Nimeamua kuipaza , hii mbiu ya mgambo; Nashindwa kunyamaza, lanikera hili jambo; Nawazua nikiwaza, fumbueni hili fumbo; U’socialite’ ni nini? Nimwelezeje wangu binti? Naomba usaidizi, kuielewa hii kazi; Shahada yao ni ipi, yapatikana chuo kipi? Masomo yao ni yepi, n’elezeni (tu) kwa ufupi; U’socialite’ ni nini? Nimwelezeje wangu binti?
Category: Shairi
Mabilionea Wa Korona
Mabilionea wa korona, mwingine ka nyie hakuna; Hata haya hamna, msichopanda mwavuna; Raha gani mwaona, kujifaidi na hili janga; Zitawafata laana, mwacheza na Maulana. Wauguzi taabani, mganga yu mashakani; Watupe vipi huduma, na PPE hamna? Maisha yao hatarini, na hata bima hawana; Mshahara Je? Duni Malipo ni kuvurutana.
Kiswahili Lugha Tamu
Kiswahili lugha yangu, tamu kuliko zote; Nilofunzwa na mamangu, nilipoanza kumwaga nyute; Yavutia moyo wangu, naisifu kote kote; Kiswahili lugha tamu, asali mtoto wake. Napenda zako hadithi, na yako mashairi; Mafumbo, methali, navyo vitendawili; Ungekuwa chanda changu, ningalikuvika pete; Wakujue walimwengu, watake wasitake; Wewe si tam’-chungu, bali kipenda mate; Kiswahili lugha tamu, asali mtoto wake.